Энэ онд тус газрын даргын 2015 оны Б/07 тоот тушаалаар “Биеийн тамир, спортын хамтлаг”-ийг Нийтийн хэв журам хамгаалах тасгийн даргаар ахлуулан, аймгийн Спорт хороотой гэрээ байгуулан спорт зааланд 7 хоног бүрийн Мягмар гариг бүр бие бүрэлдэхүүн бие бялдрын бэлтгэл, дасгал сургуулилтыг тогтмол хийж хэвшлээ. Мөн аймгийн ЗДТГ-аас 2015 оны 02 дугаар сард зохион байгуулсан “Цасны баяр”-ын арга хэмжээний хүрээнд зохион байгуулагдсан спортын уралдаан тэмцээн, Хөвсгөл аймагт зохион байгуулагдсан Хангайн бүсийн цагдаагийн газар, хэлтсүүдийн гар бөмбөг, сагсан бөмбөгийн тэмцээнд тус газрын баг тамирчид 2015 оны 06 дугаар сард бүрэн хамрагдаж идэвхтэй оролцсон байна. Тус газраас 2015 оны 2 дугаар улиралд  “Эрүүл агаар-эм” явган аяллыг зохион байгуулснаас гадна алба хаагчдын чөлөөт цагийг зөв боловсон өнгөрүүлэх, тэдний эрүүл мэнд, бие бялдрыг хөгжүүлэх зорилгоор фитнессийн өрөөг шинээр байгуулан тохижуулан ажиллуулж эхэлсэн байна.