Архангай аймаг дахь цагдаагийн газрын 2017 оны соён гэгээрүүлэх ажлын төлөвлөгөөний дагуу алба хаагчдын урлагийн авьяас чадварыг хөгжүүлэх ажлын хүрээнд “Урлагийн наадам”-ыг 2017 оны 12 дугаар сарын 07-ны өдөр Архангай аймаг дахь Ичинхорлоогийн нэрэмжит Хөгжим драмын театрт зохион байгууллаа.

        Уг арга хэмжээнд тус цагдаагийн газрын 6 тасгийн нийт 62 алба хаагч гэр бүлийн хамтаар оролцож, Гоцлол дуу, Хамтлаг болон дуэт дуу, Гоцлол бүжиг, Хамтлаг бүжиг, Язгуур урлаг, Хөгжим гэсэн 6 төрлөөр авьяас чадвараараа өрсөлдөн мэргэжлийн шүүгчдээр шүүлгэн, багийн нийлбэр дүнгээр Захиргааны удирдлагын тасаг Тэргүүн байр цом, алтан медаль, Нийтийн хэв журам хамгаалах тасаг Дэд байр мөнгөн медаль, өргөмжлөл, Эрүүгийн цагдаагийн тасаг Гутгаар байр хүрэл медаль, өргөмжлөлөөр тус тус шагнагдлаа.