“Олон улсын болон Монголын ахмадын өдөр”-ийн баярыг тохиолдуулан тус Цагдаагийн газрын ахмад ажилчдад хүндэтгэл үзүүлэх арга хэмжээг 2017 оны 10 сарын 01-ны өдөр зохион байгуулж цагдаагийн бэлтгэл дэд хурандаа Д.Болдбаатар, бэлтгэл ахмад Ж.Батбаатар нарын "Хөдөлмөрийн алдар"-ыг тэмдэглэн өнгөрүүллээ.

Тус арга хэмжээгээр
     1. Цагдаагийн газрын нийт бие бүрэлдэхүүн Дэмид жанжины талбайд жагсаж ахмад ажилчиддаа хүндэтгэл үзүүлэн, ЦЕГ-ын “Ахмадын холбоо”-ны хүндэт тэмдгээр 1, Аймгийн засаг даргын жуухаар 3, Эрдэнэбулган сумын засаг даргын жуухаар 1, Цагдаагийн газрын даргын баярын бичгээр 4 ахмад ажилтаныг шагнаж, 1 ахмадад мөнгөн тусламж үзүүллээ.
     2. Ахмад ажилчдын алжаалыг тайлах, оюун ухаан, ур чадварыг сорьсон “Шатар, Дардас”-ын аварга шалгаруулах тэмцээнийг зохион байгуулан, шагнаж урамшууллаа.
     3. Мөн ахмад ажилчдын хүндэтгэлийн хүлээн авалтыг зохион байгуулан цагдаагийн алба хаагчдын зүгээс баярын концертоор бэлэг барьж цагдаагийн газраас дурсгалын зүйл хадгалуулав.